Vetëvendosje: Propozimi i Mariq e ndan Kosovën

Propozimi i ministrit të Pushtetit Lokal, Lubomir Mariq, që Mitrovica të emërtohet në atë të veriut dhe atë të jugut e ka shqetësuar shumë Lëvizjen Vetëvendosje. Asambleisti i kësaj partie në Kuvendin Komunal të Mitrovicës Faruk Mujka ka shprehur shqetësimin e tij rreth këtij propozimi të ministrit Mariq, njofton Klan Kosova. Ai tha se me këtë emërtim jo vetëm që ndahet Mitrovica, por ndahet e gjithë Kosova. Mujka më tutje ka thënë se në asnjë ligj nuk figuron emërtim i tillë. Ndërkaq, nënkryetarja e Lëvizjes Vetëvendosje, Aida Dërguti tha se një gje tët tillë Vetëvendosja e ka parashikuar qysh në vitin 2006, kur protestonte kundër Pakos së Ahtisaarit. Dërguti ka thënë po ashtu se ky emërtim është baza e asaj që do të ndodhë në të ardhmen në Kosovë, që po i ngjan shumë Bosnjës dhe Hercegovinës. Ajo ka theksuar se për këto deklarime nuk po mendojnë të organizojnë portestë të Mitrovicë, por që do të kërkojna nga asambleistët e VV-së në Kuvendin Komunal që ta kundërshtojnë këtë gjë.

klankosova.tv