Lajmet e fundit
Ministria e Financave nuk po arrin t’i sigurojë mjetet për t’i paguar pensionet për veteranët e luftës.
Këtë e bëri të ditur sot ministri i Financave, Avdullah Hoti, gjatë një konference të mbajtur në Doganat e Kosovës.
Hoti me këtë rast tha se numri i veteranëve po shtohet dita e ditës dhe se shuma totale e destinuar për pensione, nuk po lejohet nga Fondi Monetar Ndërkombëtar (FMN).
“Nuk janë siguruar mjetet për veteranët. Numri i tyre, dita ditës po shtohen. Çështja e pagesës për veteranët është e lidhur me fondin monetar FMN. është e rëndësishme që ne të gjejmë një zgjidhje sa më parë, por tani për tani nuk ka mjete, janë vetëm 25 milionë euro, pra nuk ka më shumë”, ka thënë Hoti, raporton lajmi.net.
