Veseli uron Trepçën’89 për garat në UEFA

Kryetari i Partisë Demokratike të Kosovës, Kadri Veseli, ka gjetur kohë, përkundër intensitetit të madhë të zhvillimeve politike në vend, të uroi kampionin e ri të Kosovës në futboll “Trepça’89”, për pjesëmarrjen e tyre vitin e ardhshëm në garat e UEFA-s, njofton Klan Kosova. I pari i PDK-së ka përgëzuar edhe FC Prishtinë, KF Llapin dhe FK Ferronikelin, në llogarinë e tij në Facebook. “Urime të përzemërta futbollistëve, shtabit teknik dhe të gjithë ‘Torcida’-s me rastin e licencimit të kampionit të ri të Kosovës në futboll, KF Trepça’89, për pjesëmarrje në garat e UEFA-s”, shkroi Veseli. “I përgëzoj edhe FC Prishtinën, KF Llapin dhe FK Feronikelin për marrjen e licencës. Suksese!”. Tekstit në Facebook Veseli ia ka bashkangjitur një fotografi me futbollistët e përfaqësueses së Kosovës – mbase në mungesë të një fotoje me lojtarët e Trepçës’89.

klankosova.tv