Veseli: Përvoja parlamentare e Hungarisë, e vlefshme për Kosovën

Kryeparlamentari, Kadri Veseli u shpreh se përvoja parlamentare e Hungarisë në procesin e euro-integrimeve është shumë e mirëseardhur për Kuvendin e Kosovës.

Veseli në këtë takim me ambasadorin e Hungarisë në Kosovë, Laszlo Markusz, bisedoi  për thellimin e bashkëpunimit parlamentar.

Ambasadori Markusz shprehu gatishmërinë për të përkrahur punën e Kuvendit të Kosovës dhe agjendën legjislative sepse përvoja e Hungarisë në procesin e integrimeve është e vlefshme për Kosovën.

Ambasadori hungarez i dorëzoi Kryetarit Veseli ftesën zyrtare për pjesëmarrje në Konferencën e Kryetarëve të parlamenteve të shteteve të Ballkanit perëndimor, që mbahet në Parlamentin e Hungarisë, më 16 tetor 2015, me temën: Bashkimi evropian dhe politikat e sigurisë.