Veseli: Beteja e Vrrinit, do të shënohet në faqet e lavdishme të historisë

Kryetari i Kuvendit, Kadri Veseli, në nderim të 20 vjetorit të Epopesë së Vrrinit, ka vizituar familjet e heronjve të Kosovës, njofton Klan Kosova.

"Në nderim të 20 vjetorit të Epopesë së Vrrinit, sot vizitova familjet e heronjve të Kosovës, Xhevat Berisha dhe Agim Shala. Beteja e Vrrinit do të shënohet në faqet e lavdishme të historisë së Luftës së Ushtrisë Çlirimtare të Kosovës", ka shkruar në Facebook, Veseli.

Bashkë me kryetarin në fotografi shihet edhe Ministri i Kulturës, Rinisë dhe Sportit, Kujtim Gashi.

Në Prizren sot është mbajtur akademia përkujtimore në nderim të rënies së dëshmorëve.

Në betejën e Vrrinit u vranë 28 pjesëtarë të UÇK-së.

Në përkujtim të kësaj Epopeje, gjatë dy ditëve në vijim do të mbahen edhe aktivitete tjera.