Vërshimet lanë pa stadium klubin e Drenicës

Vërshimet lanë pa shtëpi klubin e Drenicës. Stadiumi u bë i papërdorshëm, ndërsa pasojat janë të mëdha. Drejtori sportiv i Drenicës pohon se në këtë teren nuk ka mundësi të zhvillohet loja e futbollit. Në më pak se 3 javë fillojnë ndeshjet e Superligës. Fatkeqësisht, për momentin Komuna nuk mund të bëjë ndonjë lëvizje. Drejtori për kulturë, rini e sport, thotë se trajtimet janë duke u bërë në bazë të prioriteteve. Nga vërshimet është prekur edhe palestra Ilaz Kodra, ndonëse për dallim nga stadiumi, këtu dëmet janë shumë më të vogla.