Lajmet e fundit
Kryetari i Bashkisë së Tiranës Erion Veliaj, zhvilloi një takim të veçantë me anëtarët e delegacionit të lartë të Kongresit amerikan.
Përmes një postimi në Twitter, Veliaj tha se është i lumtur që administrata e qytetit ishte në ndihmë të miqve afganë që në ditët e para të mbërritjes së tyre në Tiranë.
“Kënaqësi të takoja përfaqësuesit e delegacionit të Kongresit Amerikan, Elissa Slotkin, David Valadao dhe Jake LaTurner, që vizituan dje Bashkinë e Tiranës. I lumtur që administrata e qytetit tonë u erdhi në ndihmë miqve tanë afganë, që në ditët e para të mbërritjes së tyre në Tiranë. Është më e pakta që mund bënim, dikur ne ishim si ata”, ka shkruar Veliaj.
Delegacioni i lartë shoqërohej në këtë takim nga zv. Ambasadori amerikan, Demian Smith.
https://twitter.com/erionveliaj/status/1457971999842742275?ref_src=twsrc%5Etfw%7Ctwcamp%5Etweetembed%7Ctwterm%5E1457971999842742275%7Ctwgr%5E%7Ctwcon%5Es1_&ref_url=https%3A%2F%2Ftvklan.al%2Fveliaj-takon-kongresmenet-amerikane%2F
