Është nxjerrë trupi i pajetë i një turisti amerikan rreth 24-vjeçar, i cili ka humbur jetën pas një vetaksidenti me motoçikletë katër-rrotëshe në Prevallë.
Lajmin e ka konfirmuar për Klankosova.tv zëdhënësi i Policisë për rajonin e Prizrenit, Shaqir Bytyqi.
Bytyqi theksoi se në vendin e ngjarjes kanë qenë të angazhuara njësi të ndryshme policore, në koordinim të plotë, përfshirë komandantin e Stacionit Policor në Prizren dhe Njësinë Rajonale të Trafikut.
"Po ashtu, në operacion kanë marrë pjesë edhe zjarrfikësit, ekipet e emergjencës mjekësore si dhe vullnetarë motoristë me ATV, të cilët kanë ndihmuar në nxjerrjen e trupit të viktimës", deklaroi Bytyqi për Klankosova.tv.
Ai shtoi se në konsultim me prokurorin, do të ndërmerren veprimet e tjera hetimore në përputhje me procedurat ligjore në fuqi.
Klankosova.tv ka raportuar edhe më herët rreth ngjarjes së rëndë.
https://klankosova.tv/vetaksident-ne-prevalle-humb-jeten-nje-shtetas-amerikan/
●●●
ASHKRIMI NGA
albert
Editorial nga Klan Kosova — ndjek lajme dhe zhvillimet e tjera kryesore të vendit.