Vdes një tifoz në ndeshjen Granada-Athletic Bilbao

Ndeshja midis Granadës dhe Athletic Bilbaos, u ndërpre në minutin e 17-të. Kjo për shkak të vdekjes së një tifozi në tribunat e stadumit "Nuevo Los Carmenes". Ishte portieri i Athletic Bilbaos, Unai Simon, ai i cili e njoftoi gjyqtarin, Miguel Angel Ortiz Arias se duhej urgjentisht një ambulancë, pasi një tifoz kishte pësuar atak kardiak. Edhe pse iu dha ndihma e shpejtë, tifozi nuk ia doli të mbijetonte për t’u dërguar në spital, shkruajnë mediat ndërkombëtare, transmeton Klankosova.tv Deri në ato momente ndeshja ishte me rezultatin 1:0 në favor të Bilbaos, me golin e realizuar nga Inaki Williams, në minutën e gjashtë, por pas ngjarjes tragjike të ndodhur në stadium u vendos që ajo të zhvillohet një ditë tjetër. Ndeshja Granada-Athtletic Bilbao, u zhvillua në kuadër të javës së 16-të të La Liga.