Lajmet e fundit
Ka vdekur në moshën 81-vjeçare ish-presidenti i Gjermanisë, Hors Kohler.
Ambasada e Kosovës në Gjermani ka shprehur ngushëllime për vdekjen e tij.
Duke thënë se gjatë kohës sa ishte në detyrë i ndjeri, Gjermania dëshmoi momente kyçe në histori, përfshirë pavarësinë e Kosovës në vitin 2008.
"Lidershipi, vizioni dhe përkushtimi i tij ndaj Gjermanisë dhe komunitetit ndërkombëtar nuk do të harrohen", thuhet në njoftimin e ambasadës.
Kohler, vdiq të shtunën në mëngjes në Berlin pas një sëmundjeje të shkurtër, i rrethuar nga familja e tij, tha në një deklaratë zyra e presidentit aktual gjerman Frank-Ëalter Steinmeier.
Kohler u zgjodh president përpara se Merkel të vinte në pushtet, në një kohë kur Gjermania po përpiqej të pajtohej me reformat e tregut të punës dhe shkurtimet e mirëqenies. Ai tha se gjermanët nuk duhet të mbështeten në arritjet e kaluara dhe tha se ishte "thellësisht i bindur se Gjermania ka forcën për ndryshim".
Në korrik 2005, Kohler ra dakord të shpërndante parlamentin dhe t'i jepte kancelarit të atëhershëm Gerhard Schroder zgjedhje të parakohshme. Ai deklaroi se Gjermania përballet me “sfida gjigante” dhe se “e ardhmja jonë dhe e ardhmja e fëmijëve tanë është në rrezik”.
Köhler, djali i fermerëve gjermanë nga Rumania, lindi më 22 shkurt 1943, në Skierbieszoë, në Poloninë e pushtuar nga nazistët. Familja e tij iku në Gjermani pas luftës - së pari në Leipzig në atë që u bë Gjermania Lindore komuniste, më pas në Gjermaninë Perëndimore në 1954.
Para se të ngjitej në presidencë, Kohler kishte një rekord të gjatë si një zyrtar efikas në prapaskenë.
Duke filluar nga fillimi i viteve 1980, ai punoi për më shumë se një dekadë në Ministrinë e Financave nën kancelarin Helmut Kohl, i cili dikur e quajti atë "një thesar" dhe mbështetej tek ai në diplomacinë ekonomike.
