Vdes amerikanja më e vjetër

Një grua nga Karolina e Veriut e cila u rrit duke mbledhur pambuk, u martua në moshën 14 vjeçare dhe u bë amerikanja më e vjetër që jetoi me më shumë se 120 stërnipër e mbesa ka vdekur në shtëpinë e saj, sipas familjes së saj . Hester Ford ishte ose 115 ose 116 vjeç në varësi se cili raport I regjistrimit ishte i saktë. Sido që të jetë, ajo ishte amerikanja më e vjetër në jetë kur vdiq të shtunën në Charlotte, sipas Grupit të Kërkimeve Gerontology. Ata e renditën moshën e saj si 115 vjeç dhe 245 ditë, raporton AP, transmeton Klan Kosova. "Ajo ishte një shtyllë dhe këmbëngulëse për familjen tonë dhe siguroi shumë dashuri, mbështetje dhe mirëkuptim për të gjithë ne," tha mbesa e saj, Tanisha Patterson-Powe, në një deklaratë dërguar me postë elektronike në media. Ford lindi në një fermë në Lancaster County, Carolina e Jugut, në vitin 1905. Ajo u martua me John Ford në moshën 14 vjeçare dhe lindi të parin nga 12 fëmijët e saj në moshën 15 vjeçare. Çifti u transferua në Charlotte, ku ajo qëndroi për pjesën tjetër të jetës së saj. Burri i saj vdiq në 1963 në moshën 57 vjeçare, tre vjet pasi çifti u transferua në Charlotte. Hester Ford pastaj jetoi në shtëpinë e saj, pa ndihmë, deri në moshën 108 vjeçare, ku më pas jetoi në shtëpi me familjen deri në vdekjen e saj. 12 fëmijët e saj i dhanë 68 nipër e mbesa, 125 stërnipa e mbesa.