Vdekje e dyshimtë në veri, viktimë një burrë 64-vjeçar

Policia e Kosovës ka njoftuar për një rast të vdekjes së dyshimtë në Zveçan, për çka tashmë kanë nisur hetimet në koordinim me Prokurorin e Shtetit. Sipas njoftimit, rasti u zbulua pasi në mesditë, Policia pranoi informacionin nga QKMF për një person të moshës rreth 64-vjeçar pa shenja jete. “Në lidhje me këtë informatë, njësitë përkatëse policore kanë dalë në vendngjarje, ndërsa nga stafi mjekësor është konstatuar vdekja e viktimës në vendngjarje. Viktima është identifikuar si D.M (1962) i gjinisë mashkullore.” Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.