Vdekja e Shaban Muratit, presidenti Begaj: Iku i bekuar, la pas vepra të rralla për ne

Ka vdekur ish-ambasadori i Shqipërisë, Shaban Murati në moshën 79-vjeçare. Ngushëllime ka shprehur presidenti i Shqipërisë, Bajram Begaj, transmeton Klankosova.tv. Begaj thotë se Murati do të mbetet nesh si veprimtari i përhershëm që foli, shkroi dhe ndau dijen për të na orientuar në anën e të mirës dhe të drejtës në histori. “Me dhembje mësova lajmin për ndarjen nga jeta të intelektualit, diplomatit, historianit politik, njohësit të shkëlqyer të gjeopolitikës rajonale, mikut tim, Shaban Murati. Çdo bisedë që zhvillova me të, çdo këshillë që më jepte, ishte e hapur, e drejtpërdrejtë dhe e vyer”, ka shkuar i pari i Shqipërisë në Facebook. “Shaban Murati, burri fisnik që atdheun e kishte të shenjtë dhe gjithmonë me vete, do të mbetet mes nesh si veprimtari i përhershëm që foli, shkroi dhe ndau dijen për të na orientuar në anën e të mirës dhe të drejtës në histori. Shaban Murati iku i bekuar duke lënë pas, veç tre bijve, pasardhës të denjë të tij, edhe vepra të rralla për ne! Shpirti t'u prehtë në paqe, i miri Shaban Murati!”.