Vance: Trump dëshiron që konflikti në Lindjen e Mesme të përfundojë shpejt

Zëvendëspresidenti amerikan JD Vance thotë se administrata Trump po përpiqet ta ndalojë Hamasin nga "vrasja e njerëzve të pafajshëm", të sigurojë lirimin e pengjeve izraelite dhe të zgjidhë krizën humanitare në Rripin e Gazës. Siç raporton BBC, transmeton Klankosova.tv, sipas Vance, Trump dëshiron të jetë president i paqes. “Ajo që ka thënë presidenti i Shteteve të Bashkuara është se dëshiron të jetë president i paqes”, tha Vance për Fox News, duke shtuar se Trump po përpiqet “të arrijë të treja këto gjëra”. "Ai po inkurajon - përmes çdo metode diplomatike të mundshme - një përfundim të shpejtë të konfliktit, kthimin e pengjeve në shtëpi, furnizimin e lirë të ndihmës humanitare për njerëzit e Gazës”. /Klankosova.tv