Valderrama bëhet pjesë e "Grey's Anatomy"

I dashuri i këngëtares Demi Lovato, Wilmer Valderrama, do t’i bashkëngjitet kastit të aktorëve në serialin “Grey’s Anatomy”, transmeton Klan Kosova.

Ish ylli i “That ‘70s Show” në këtë projekt filmik do ta luajë rolin e personazhit të quajtur Kyle Diaz.

Wilmer nuk është i panjohur për këtë show. E dashura e tij shumëvjeçare Demi, po ashtu kishte marrë pjesë në këtë dramë si e ftuar speciale në vitin 2010, ku e luajti rolin e një pacienteje me një vrimë në daulle të veshit.

Ajo tregoi mbështetje për mashkullin e saj në Twitter, duke shkruar: “Sa emocionuese është që dashuria ime do të bëhet pjesë e @greysanatomy??!! Nuk mund të isha më krenare se kaq... Përgëzime i imi @WValderrama”.