Unikkatil në përkrahje të Ramush Haradinajt

Hip-hop artisti shqiptar, që jeton nga Shtetet e Bashkuara të Amerikës, Viktor Paloka, i njohur me emrin artistik Rebel a.k.a Unikkatil, ka dalur në përkrahje të liderit të Aleancës për Ardhmërinë e Kosovës, Ramush Haradinaj, që u arrestua ditë më parë në Francë, njofton Klan Kosova. Unikkatil, reperi shumë i pëlqyer, është tepër i rrallë në reagimet e tij në rrjetet sociale, por këtë herë ka përdorur llogarinë në Facebook për të shprehur përkrahjen e tij për Haradinajn. “Unë jam Rambo”, apo “Je suis Rambo”, ka shkruar Unikkatil në Facebook, duke postuar edhe një fotografi të Haradinajt në një bashkëbisedim me ish-ministrin për Kthim dhe Komunitete, Aleksandar Jabllanoviq.

klankosova.tv