Ugandë: Dy turistë të huaj u vranë në sulm nga rebelët e dyshuar islamikë

Dy turistë të huaj dhe një shtetas nga Uganda janë vrarë në një sulm nga rebelët e dyshuar islamikë, ka thënë policia, raporton Skynews, transmeton Klan Kosova.

Sulmi ndodhi në Parkun Kombëtar të Mbretëreshës Elizabeth - një nga zonat më të njohura të konservimit të Ugandës.

"Ne kemi regjistruar një sulm frikacak terrorist ndaj dy turistëve të huaj dhe një Ugandas në Parkun Kombëtar të Mbretëreshës Elizabeth", shkroi zëdhënësi i policisë Fred Enanga në Twitter.

"Të tre u vranë dhe automjeti i tyre safari u dogj", shtoi ai.

Enanga tha se policia po ndiqte anëtarët e dyshuar të Forcave Demokratike Aleate (ADF) - një grup i armatosur i lidhur me Shtetin Islamik (IS).

Një zëdhënës i Autoritetit të Kafshëve të Egra të Ugandës tha se sulmi ndodhi në periferi të parkut të martën në mbrëmje.