U përplas nga makina në Pogradec, ndërron jetë në spital i moshuari

Ka ndërruar jetë 80-vjeçari i cili u përplas nga një makinë në fshatin Udënisht të Pogradecit pasditen e sotme. I moshuari nuk arriti t’u mbijetojë plagëve të marra, pavarësisht ndërhyrjes mjekësore. Sipas informacioneve, ai u përplas nga një automjet tip “Benz”, teksa po lëvizte si këmbësor. Fillimisht, i plagosuri u transportua me urgjencë drejt spitalit të Pogradecit, ndërsa më pas u dërgua në Tiranë për trajtim më të specializuar, shkruan vizionplus.tv, raporton KlanKosova.tv. Megjithatë, për shkak të gjendjes së rëndë shëndetësore dhe plagëve të shumta, 80-vjeçari ndërroi jetë në ambientet e spitalit në kryeqytet. Ndërkohë, në vendngjarje kanë qenë të pranishme forcat e policisë, të cilat po vijojnë hetimet për të zbardhur rrethanat dhe shkaqet e aksidentit.