U aderua vonë në LDK, por mori mandatin e deputetit: Ermal Sadiku tregon qëllimet e tij (VIDEO)

  Ermal Sadiku është deputeti më i ri që mori mandatin nga radhët e LDK-së. Si i tillë, pak para nisjes së seancës së konstituimit, momentin po e përjeton goxha fort. Sadiku thotë se s’kishte ymyt që do bëhej përfaqësues i popullit. Synimet për mandatin katërvjeçar, megjithatë, ai i ka tashmë të qarta. “Me i shty qaty proceset që kanë qenë në fushatë, digjitalizimi në arsim, shëndetësi, me u mundu me ndihmu çfardo qoftë qeverisë nëse është për të mirë të Kosovës, ideja ime e puna ime janë aty”, tha Sadiku për Klan Kosova. Pasi për të gjithçka është nga e para, ai po interesohet edhe më shumë rreth vendit ku, tani e tutje, do të ulet në radhët e LDK-së. Me të ardhur në Kuvend për legjislaturën e dhjetë, Ermal Sadikun e gjeti vendimi i parë, një votë kundër për tashmë kryekuvendaren e Kosovës, Albulena Haxhiun. /Klankosova.tv