Twitter mbyll zyrat për shkak të 'frikës së sabotimit'

Punonjësve të Twitter-it u është thënë se të gjitha ndërtesat e zyrave janë mbyllur përkohësisht. Redaktorja menaxhuese e faqes për teknologji "Platformer", Zoe Schiffer, shkroi në Twitter se punonjësve nuk u dhanë detaje se pse zyrat ishin mbyllur përkohësisht deri të hënën më 21 nëntor, shkruan "Skynews", transmeton Klankosova.tv. Megjithatë, në një postim vijues në Twitter, ajo tha: "Po dëgjojmë se kjo është për shkak se Elon Musk dhe ekipi i tij janë të tmerruar se punonjësit do të sabotojnë kompaninë. Gjithashtu, ata janë ende duke u përpjekur të kuptojnë se cilëve punonjës të Twitter-it duhet t'u kufizohet qasja". E gjitha kjo vjen pasi një valë e re e punonjësve të Twitter-it thuhet se po largohen nga kompania pas një ultimatumi nga pronari i ri Elon Musk që stafi të regjistrohet për "orë të gjata me intensitet të lartë", ose të largohet. Vetë Musk nuk i ka komentuar publikisht këto raporte të fundit. /Klankosova.tv

NEW: Twitter just alerted employees that effective immediately, all office buildings are temporarily closed and badge access is suspended. No details given as to why.

— Zoë Schiffer (@ZoeSchiffer) November 17, 2022