Presidenti Donald Trump dhe presidenti kinez Xi Jinping pritet të zhvillojnë një bisedë telefonike të premten për të arritur një marrëveshje që do të lejonte TikTok-un të vazhdojë të funksionojë në ShBA dhe për të ulur tensionet tregtare mes dy vendeve.
TikTok, në pronësi të kompanisë kineze ByteDance, përballet me ndalim në ShBA në janar 2025 nëse nuk shiten asetet amerikane. Trump po përpiqet të shmangë mbylljen, pasi aplikacioni ka ndikim të madh te të rinjtë dhe komunikimi politik, raporton Reuters, transmeton Klankosova.tv.
Një marrëveshje e mundshme do t’i kalonte pronësinë e TikTok-ut te kompani amerikane, por do të vazhdohej përdorimi i teknologjisë së ByteDance, gjë që ka shkaktuar shqetësime për sigurinë kombëtare.
Biseda mes Trump dhe Xi mund të hapë rrugë edhe për një takim të tyre gjatë samitit APEC në Korenë e Jugut, në fund të tetorit.
Tensionet mes dy vendeve mbeten të larta, veçanërisht për çështje tregtare, teknologji dhe luftën kundër trafikut të drogave. Megjithatë, të dyja palët po kërkojnë rrugë bashkëpunimi. /Klankosova.tv
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
