Trëndafilova e lë veten në krye të speciales (VIDEO)

Gjykata Speciale e Kosovës me seli në Hagë, ka refuzuar kërkesën e avokatëve të  Nasim Haradinaj, nënkryetar I OVL UÇK-së që të përjashtohen nga Specialja , kryetarja  Ekaterina Trendafilova dhe nënkryetari , Charles L. Smith.

Avokatët Toby Cadman dhe Carl Buckley pretendonin  mes tjerash  se dyshja në fjalë  ka bërë “abuzim-autoriteti” dhe se me veprimet e tyre po minojnë punën e Gjykatës.

Vendimi refuzues ndaj kërkesës së mbrojtësve të Haradinajt ka 13 faqe dhe është nënshkruar nga vetë presidentja Trendafilova.

Nasim Haradinaj bashkë me kryetarin e Organizatës së Veteranëve të Ushtrisë Çlirimtare të Kosovës Hysni Gucati që po mbahen në paraburgim akuzohen nga Specialja për “pengim të administrimit të drejtësisë “

Ata u arrestuan më 25 Shtator 2020 në Prishtinë pas një aksioni special të ushtruar nga policët e EULEX me asistim të Policisë së Kosovës.