Trajneri i Kosovës: Ekipi tregoi shpirt luftarak

Trajneri i Kosovës, Bernard Challandes është shprehur i lumtur me fitoren e Përfaqësueses së Kosovës 5-0 ndaj Maltës. Challandes tha se ekipi i tij tregoi shpirt luftarak dhe për dallim nga ndeshjet e kaluara, ishte më efikas në sulm. “Jam shumë i lumtur me performancen. Pjesa e parë ishte e mirë. Malta është e mirë në mbrojte, por ne kemi pasur mundësi për të shënuar dhe për ta mbyllur ndeshjen më herët”, tha Challandes. “Mendoj i gjithë ekipi tregoi shpirt luftarak. Pas pjesës së parë patëm pak probleme me Maltën që sulmoi, megjithatë pas golit me kundërsulm patën hapësirë dhe jam shume i lumtur sot, sepse 5 gola është me rendësi, pasi kemi pasur probleme me shënimin e golave në të kaluarën”. “Kur e kam parë shortin dhe kur e kam parë që ndeshja e fundit do të jetë me Azerbajxhanin, e kam ditur se ajo do të jetë finalja. Jam i kënaqur që kemi ardhur këtu, sepse do ta shohim çfarë cilësi kemi. E vlerësoj Azerbajxhanin”. Kosova ndeshet të martën më Azerbajxhanin në Stadiumin “Fadil Vokrri”, e cila është ndeshja e fundit në Grupin e tretë të Ligës D, të cilës i prinë Kosova me  11 pikë, ndërsa Azerbajxhani është i dyti me 9 pikë.

klankosova.tv