Thaçit e Veselit iu vazhdohet paraburgimi në 15-vjetorin e pavarësisë

Gjykata Speciale ia ka vazhduar paraburgimin ish-presidentit të vendit, Hashim Thaçit e ish-kryetarit të kuvendit, Kadri Veseli, pikërishtë në ditën e shpalljes së pavarësisë. “Urdhërohet vazhdimi i ndalimit të z. Thaçi”, thuhet në njoftimin e Speciales. “Të paraqesin supozime për shqyrtimin e radhës të paraburgimit të z. Thaçi jo më vonë se e hëna, 27 mars 2023, me përgjigjen pas afatit kohor të përcaktuar në nenin 76”. “Urdhëron Mbrojtjen e Thaçit që të dorëzojë një version publik të redaktuar të përgjigjes së Thaçit ose të kërkojë riklasifikimin e saj si publike jo më vonë se të premten, 3 mars”, thuhet në njoftimin e Speciales, transmeton Klankosova.tv. I njëjti njoftim është bërë edhe për rastin e ish-kryetarit të kuvendit, Kadri Veseli. Kujtojmë se ish-presidenti Hashim Thaçi, në 17 shkurtin e vitit 2008 ka qenë lexues i Deklaratës së Pavarësisë së Kosovës. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.