Thaçi takon liderët e partive politike

Presidenti Hashim Thaçi gjatë ditës së sotme pritet t’i takojë liderët e partive politike.

Sipas agjendës së paraparë të presidentit, takimi i parë do të mbahet me kryetarin e LDK-së Isa Mustafa me fillim nga ora 10:30.

Një orë më vonë, i pari i vendit pritet të takohet me ish-kryeparlamentarin dhe kryetarin e partisë ku dikur vet ishte lider, Kadri Veselin.

Më pas, ai pritet të takohet me ish-kryeministrin dhe kryetarin e AAK-së Ramush Haradinaj, njofton Klan Kosova.

Ndonëse në agjendë të presidentit është paraparë edhe një takim me kryeministrin Albin Kurti, që është edhe kryetar i Lëvizjes Vetëvendosje, një takim i tillë nuk dihet nëse do të mbahet ose jo.

Thaçi do të ketë takime edhe me kryetarin e Nismës Fatmir Limaj dhe atë të AKR-së Behgjet Pacolli.

Presidenca ka bërë të ditur se takimet e presidentit Hashim Thaçi me liderët e partive politike do të mbahen me qëllim të informimit, konsultimit dhe koordinimit për çështje të interesit shtetëror.

Agjenda e takimeve të presidentit Hashim Thaçi me liderët e partive politike:

1. Albin Kurti, Kryeministër i Republikës së Kosovës dhe Kryetar i LVV-së;

Ora e takimit: 13:00;

2. Isa Mustafa, Ish-kryeministër dhe Kryetar i LDK-së;

Ora e takimit: 10:30;

3. Kadri Veseli, Ish-kryetar i Kuvendit të Kosovës dhe Kryetar i PDK-së;

Ora e takimit: 11:30;

4. Ramush Haradinaj, Ish-kryeministër dhe Kryetar i AAK-së;

Ora e takimit: 12:30;

5. Fatmir Limaj, Ish-zëvendëskryeministër dhe Kryetar i NISMA-s;

Ora e takimit: 13:45;

6. Behgjet Pacolli, Ish-zëvendëskryeministër dhe Kryetar i AKR-së;

Ora e takimit: 14:15;