Thaçi: Opozita e pashpresë

I ftuar në emisionin “Ora e Fundit” në intervistën “Ballë për Ballë”, ishte zëvendëskryeministri dhe ministri i Punëve të Jashtëm, Hashim Thaçi. Thaçi ka komentuar ngjarjen e ditës së sotme në seancën e Kuvendit të Kosovës, kur kryeministri i vendit, Isa Mustafa, u gjuajte me vezë nga disa deputetë të opozitës. Thaçi ka dënuar rëndë veprimin e sotëm të opozitës, ai u shpreh së opozita duhet që të mësohet të komunikojë. “Duhet të krijohet një kulturë e komunikimit dhe jo e kundërshtimit”, ka deklaruar Thaçi. Ai gjithashtu tha që nuk do të ketë zgjedhje të parakohshme. “Nuk ka arsye të ketë zgjedhje të parakohshme, para vitit 2018”. “Çështja e Presidentit është çështje tjetër, ne duhet të plotësojmë marrëveshjet e arritura me partnerin e koalicionit”, ka thënë Thaçi. Kurse kërkesën e opozitës për tërheqjen e nënshkrimit ai e shikon si qesharake. “Tërheqja e nënshkrimit është çështja më qesharake, e më jopolitike që mund të ndodhë”. Ai është shprehur se opozita është e pashpresë. “Opozita është e pashpresë, e shohin vetëm zi, terr dhe jo-progres”. Mustafa tentoi tri herë, sot gjatë ditës ta raportonte për marrëveshjet e arritura në Bruksel, në mes Kosovës dhe Serbisë, por kjo gjë, në të tri rastet, u pamundësua nga opozita.

klankosova.tv