Thaçi: Në shkollën fillore vajzat duhet të jenë larg shamisë (VIDEO)

Dhuna në bazë gjinore, sulmet dhe kërcënimet ndaj gazetarëve, diskriminimi dhe racizmi, të drejtat e LGBT+, arsimi dhe liria fetare cilësohen si ngecje për Kosovën në raportin mbi gjendjen e të drejtave të njeriut të përpiluar nga Amnesty International. Gazetarja, Ardiana Thaçi e ftuar në emisionin "Ora 7" në Klan Kosova tha se përderisa Kosova me Kushtetutën e saj është shtet laik vajzat duhet të jenë larg shamisë në shkollat fillore dhe në nivelin e shkollës së mesme të ulët. "Përderisa Kosova me Kushtetutën e saj është shtet laik, mendoj që shkolla fillore dhe e mesme e ulët, vajzat duhet të jenë larg shamisë. Në shkollën e mesme ndoshta duhet të jetë një debat pak më i madh i cili duhet diskutuar, për këtë duhet të jemi të barabartë për të gjitha kategoritë", tha Thaçi. https://www.youtube.com/watch?v=9gkKycfn0w0