Thaçi merr pjesë në ceremoninë e inaugurimit të Erdoganit 

Presidenti Hashim Thaçi, me ftesë të homologut të rizgjedhur të Turqisë, Recep Tayyip Erdogan, ka udhëtuar për në Turqi, ku do të marrë pjesë në ceremoninë e inaugurimit të tij në këtë post.

"Turqia ka luajtur rol të madh në forcimin e subjektivitetit ndërkombëtar të Republikës së Kosovës, duke kontribuar në rritjen e numrit të njohjeve dhe në anëtarësimin e shtetit tonë në organizata ndërkombëtare.Shteti turk vazhdon të jetë një aleat i rëndësishëm për Republikën e Kosovës", thuhet në një njoftim për media të Presidencës.

Pjesë e ceremonisë së inaugurimit të Erdoganit që mbahet sot, pritet të jenë mbi 20 presidentë dhe rreth 30 kryeministra shtetesh nga mbarë bota, transmeton Klan Kosova.