Thaçi merr mbështetjen e Grenellit për formimin e Qeverisë së re

Presidenti i vendit, Hashim Thaçi, ka thënë se javën tjetër do t’i ndërmarrë hapat e fundit kushtetues për të mundësuar formimin e një Qeverie të re. Në llogarinë e tij në Twitter, Thaçi ka theksuar se “tarifat dhe reciprociteti duhet të bien për ta forcuar mbështetjen e Shteteve të Bashkuara dhe Bashkimit Europian ndaj Kosovës”.

Next week I’ll take the final constitutional steps to enable the formation of a new Government w/ full legitimacy from Parliament, capable to fight #COVID19 and serve the people. Tariffs & reciprocity need to be dropped in order to strengthen USA & EU support for Kosova.

— Hashim Thaçi (@HashimThaciRKS) April 19, 2020

I menjëhershëm ka qenë reagimi i të përzgjedhurit special nga Shtëpia e Bardhë për dialogun Kosovës-Serbi, Richard Grenell, i cili e ka shpërndarë postimin e Presidentit Hashim Thaçi në llogarinë e tij. “Pasi të bien tarifat / reciprociteti (mbase këtë javë?), Atëherë Dialogu fillon me zell. Unë kam folur me liderët në Serbi dhe Kosovë për të sqaruar se ata duhet të fillojnë të ndërtojnë besim sot në përgatitje - dhe ata janë angazhuar ta bëjnë këtë”.

Once tariffs/reciprocity are dropped (maybe this week?), then Dialogue begins in earnest. I’ve spoken with leaders in Serbia and Kosovo to make clear they must start building confidence today in preparation - and they’ve committed to do so. More to come soon. https://t.co/0DETVaMMPp

— Richard Grenell (@RichardGrenell) April 19, 2020

Kujtojmë se që nga mocioni i mosbesimit ndaj Qeverisë Kurti që u mbështet nga 82 deputetë më 25 mars 2020, Presidenti Hashim Thaçi ia ka kërkuar emrin e mandatarit Lëvizjes Vetëvendosje si fituese e zgjedhjeve të 6 tetorit të vitit të kaluar për ta formuar Qeverinë e re. Mirëpo Kryeministri në detyrë, Albin Kurti, ka thënë se është në pritje që të kalojë situata e krijuar nga Covid-19 dhe më pas vendi të shkojë në zgjedhje.

klankosova.tv