Thaçi e Pence flasin për Ushtrinë e Kosovës (VIDEO)

Presidenti Hashim Thaçi është takuar me zëvendëspresidentin e Shteteve të Bashkuara të Amerikës Mike Pence. “Sapo pata një bisedë tepër miqësore, por edhe përmbajtjesore, me zëvendëspresidentin Pence të Shteteve të Bashkuara të Amerikës”, ka shkruar Thaçi në profilin e tij në Facebook. “Kosova tani, është faktor i paqes dhe stabilitetit në rajon e më gjerë”. “Prandaj, po punojmë bashkërisht për themelimin e Forcave të Armatosura të Kosovës, si forcë mbrojtëse profesionale e multi-etnike në shërbim të të gjithë qytetarëve”. “Jemi të pakompromis në luftimin e çdo ekstremizmi, radikalizmi dhe terrorizmi; prandaj jemi të përcaktuar për dialog e marrëdhënie të mira fqinjësore”. “Kjo është mënyra më e mirë për të shprehur mirënjohjen tonë për partneritetin dhe miqësinë e përhershme me Shtetet e Bashkuara të Amerikës”. “SHBA-ja ka qenë me ne në të kaluarën dhe do të jemi bashkë edhe në të ardhmen. Lidershipi amerikan është i pazëvendësueshëm për aspiratën tonë euro-atlantike”. Thaçi e Pence janë takuar në Mal të Zi, gjatë Samitit të Kartës së Adriatikut.

klankosova.tv