Tesla nis tërheqjen nga qarkullimi të mbi 80 mijë veturave në Kinë

Tesla është duke tërhequr më tepër se 80 mijë vetura nga qarkullimi në Kinë për shkak të një problem në softuer dhe në rripin e sigurisë. Kështu ka njoftuar rregullatori i tregut kinez, raporton Reuters, transmeton KlanKosova.tv. Prodhuesi amerikan i veturave ka tërhequr 67 mijë e 698 vetura të modelit S dhe modelit X, të importuara në Kinë në mes të 25 shtatorit 2013 dhe 21 nëntorit 2020. Problemi që kanë pasur këto vetura lidhet me sistemin e baterisë. Këto problem supozohet se mund të çojnë në aksidente trafiku, andaj është marrë vendimi për tërheqjen e tyre.