Tenton shpëtimin e fëmijëve nga mbytja në det, vdes filozofja e njohur franceze

Në moshën 53 vjeçare ka humbur jetën filozofja e njohur franceze Anne Dufourmantelle. Rasti tragjik ndodhi teksa Anne po përpiqej të shpëtonte fëmijët e saj nga mbytja në det, saktësisht në plazhin Pampelonne afër St Tropez. Dufourmantelle njihej për shkrimet e saj të eseve dhe librit të saj të njohur ''Praise of Risk'' i publikuar në vitin 2011, transmeton Klan Kosova. Lajmin për vdekjen e filozofes së njohur ka bërë të ditur dhe Ministrja e Kulturës së Francës Françoise Nyssen përmes llogarisë së saj në Twitter. ''Dufourmantelle, filozofe e madhe, na ndihmoi të jetojmë dhe të mendojmë për botën sot'', përfundoi Nyssen njoftimin e saj për humbjen e madhe të filozofise franceze, transmeton Klan Kosova.