Sulmuesi i Real Madridit, Vinicius Junior, ka ndarë një moment emocional nga karriera e tij, duke zbuluar se humbja e Ballon d'Or përballë Rodrit e kishte prekur thellë.
Në një deklaratë të fundit, braziliani pranoi se ishte ndier i trishtuar dhe i zhgënjyer në atë periudhë, por një telefonatë e papritur nga Cristiano Ronaldo ndryshoi gjithçka.
“Kur e humba Topin e Artë ndaj Rodrit, isha i trishtuar. Cristiano më telefonoi dhe bëmë një bisedë shumë të rëndësishme. Ai më ndihmoi të rifitoja vetëbesimin tim. Ai është një legjendë e vërtetë”, u shpreh Vinicius.
Ky gjest nga portugezi, një ikonë e futbollit botëror dhe fitues i shumëfishtë i Ballon d'Or, tregon edhe një herë ndikimin e tij përtej fushës së lojës. Ronaldo vazhdon të jetë një figurë frymëzuese për shumë lojtarë të rinj, duke përfshirë edhe yllin brazilian të “Los Blancos”. /Klankosova.tv
●●●
ASHKRIMI NGA
A
Editorial nga Klan Kosova — ndjek sport dhe zhvillimet e tjera kryesore të vendit.
