Të shtëna në Irlandë të Veriut, dy të vdekur e dy të plagosur

Dy persona kanë vdekur nga të shtënat me armë zjarri në Irlandë të Veriut. Dy të tjerë mbetën të lënduar seriozisht në të shtënat që ndodhën në Co Fermanagh, ka thënë policia në Irlandën Veriore, raporton “The Telegraph”, transmeton Klankosova.tv. Të shtënat ndodhën brenda zonës Drummeer Road të Maguiresbridge. Në një deklaratë, Shërbimi Policor i Irlandës Veriore tha se mund të konfirmojnë vdekjen e dy personave, teksa shtuan se dy të tjerë po trajtohen në spital për lëndime serioze. “Mund të këshillojmë se nuk ka rrezik më tutje për publikun”, tha policia.