Të paktën 89% e të rriturve amerikanë të vaksinuar do të kualifikohen për dozat e treta

Pas muajsh debati rreth asaj se kush duhet të kualifikohet për një përforcues, një analizë e bërë për CNN tregon se të paktën 89% e të rriturve amerikanë që tashmë janë vaksinuar kanë të drejtë të marrin dozën e tretë pasi të ketë kaluar kohën e mjaftueshme. Analiza e të dhënave është bërë nga Laboratori i Epidemiologjisë Llogaritëse në Spitalin e Fëmijëve në Boston, i cili është i lidhur me Shkollën Mjekësore të Harvardit. Gati 75% e njerëzve të moshës 20 vjeç e lart janë mbipeshë, sipas CDC. Kur shtohen njerëz me punë me rrezik të lartë ose kushte të tjera mjekësore, epidemiologët vlerësojnë se të paktën 89% e të rriturve të vaksinuar që kanë kaluar mjaftueshëm kohë nga doza e dytë, duhet të marrin atë përforcuese, shkruan CNN, transmeton Klankosova.tv. Të rriturit që kanë marrë vaksinat Pfizer ose Moderna për COVID-19 kanë të drejtë për përforcues pasi të kenë kaluar gjashtë muaj nga vaksina e dytë, për sa kohë që janë 65 vjeç e lart ose janë në rrezik të lartë që tu rëndohet gjendja pas infektimit. Mbipesha ka qenë në listën e rrezikut të lartë të CDC që nga marsi, dhe kushtet e shëndetit mendor u shtuan në mes të tetorit, sipas zëdhënësit të agjencisë, Kristen Nordlund. Qendrat Amerikane për Kontrollin dhe Parandalimin e Sëmundjeve kanë udhëzime se kush konsiderohet me rrezik të lartë për COVID-19. Ato përfshijnë mësuesit dhe punonjësit e kujdesit shëndetësor, si dhe kushdo që është mbipeshë, ka depresion ose një listë të gjatë të kushteve të tjera mjekësore.