Dy të rinj janë arrestuar nga policia në Tiranë, pasi rezultojnë në kërkim ndërkombëtar nga Italia për veprat penale “Organizatë Kriminale” dhe “Trafikimi i narkotikëve”.
Në pranga kanë rënë shtetasit Juers Spahi dhe Redjan Allmuça.
“U bë kapja dhe arrestimi provizor, me qëllim ekstradimin drejt Italisë i shtetasit: J. S., 31 vjeç, i shpallur në kërkim ndërkombëtar pasi Gjykata Themelore Vercelli/Itali ka caktuar masën e sigurisë ''Arrest me burg'' për veprat penale “Organizatë kriminale'” dhe “Trafik Narkotikesh” parashikuar nga Kodi Penal i Italisë; Po nga këto shërbime u arrestua provizorisht edhe shtetasi R. A., 21 vjeç, banues në Tiranë, pasi Gjykata paraprake e hetimeve në Milano ka caktuar masën e sigurisë "Arrest me burg" për veprat penale “Trafik droge” dhe “Grup Kriminal”, parashikuar nga Kodi Penal i Italisë”, njofton policia, shkruan A2.
Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtyre shtetasve.
●●●
VRSHKRIMI NGA
Ve Ra
Editorial nga Klan Kosova — ndjek lajme dhe zhvillimet e tjera kryesore të vendit.
