Të enjten seancë, por jo për ushtrinë (VIDEO)

Kaluan më shumë se pesë muaj që kur herën e fundit ishin në mbledhje të kryesisë së Kuvendit përfaqësuesit e të gjitha grupeve parlamentare si këtë të hënë, njofton Klan Kosova. Interesimi më i madh ishte për pjesëmarrjen e përfaqësuesit e Listës Serbe që i dhanë fund bojkotit të punës së institucioneve kosovare. Këtë mbledhje në përbërje të plotë e udhëhoqi nënkryetari, Xhavit Haliti, për shkak të mungesës së kryetarit Kadri Veseli. Në takimin që zgjati më shumë se një orë u vendos që të enjten dhe të premten të ketë seancë plenare. E në asnjërën nga to nuk do të jetë Projektligji për Ushtrinë, pasi që Qeveria nuk ka proceduar. Kjo situatë  sipas subjektit më të madh opozitar është zmbrapsje e Presidentit, Hashim Thaçi, karshi Ligjit, që e propozoi ai. Kronikë nga Besnik Tahiri.

klankosova.tv