Takimi i Parashqevisë me djalin, a po fshihet diçka? (VIDEO)

Ikona e muzikës shqiptare, Parashqevi Simaku, më në fund ka takuar djalin e saj pas 15 vitesh ndarje. Megjithatë, takimi ka nxitur diskutime dhe dyshime për sjelljen e tij dhe natyrën e vërtetë të këtij takimi. Gazetari Tiron Halili e cilësoi takimin si të ftohtë nga ana e djalit, njofton Klankosova.tv. “Kjo ndoshta lidhet me mënyrën si e njeh historinë e nënës së tij dhe distancën e krijuar mes tyre”,  tha Halili. Ndërsa psikologia Teuta Sadiku, e përshkroi takimin si një moment emocionalisht të ngarkuar. “Nga aspekti psikologjik, ky ishte një takim i shumëpritur dhe një ndjesi shumë e fortë”,  u shpreh Sadiku, në emisonin "Kosova Today" në Klan Kosova. Ndërkohë, avokati Zace Islami ngriti dyshime mbi natyrën e takimit, duke thënë se ai dukej i inskenuar. “Nëse djali do të ishte aq i malluar për nënën, ai do të shpërthente në dënesë". Por, në takim ishte shumë i qetë, i ftohtë, për të mos thënë se ishte një skenë e organizuar. Personi që e ka filmuar këtë moment duket qartë se e ka inskenuar”, deklaroi Islami. Ka gjithashtu indikacione që Parashqevi po shfrytëzohet për përfitime financiare, tha ndër të tjerash avokati. https://youtu.be/iWofOOekPrM