Synimet e policisë për 2020: Do zvogëlohen aksidentet deri në 50%

Zëvendësdrejtori i përgjithshëm i Policisë së Kosovës, Naim Rexha, ka thënë se policia ka për synim që deri në vitin 2020, ta zvogëloj numrin e aksidenteve deri në 50 për qind, njofton Klan Kosova. Këto komente Rexha i ka bërë në kuadër të ditës botërore për përkujtimin e viktimave të trafikimit rrugor në Prishtinë, ku po mbahet një konferencë ndërkombëtare. Ndërsa, zëvendësministri i Punëve të Brendshme, Nehat Mustafa, ka thënë se trendi i aksidenteve me fatalitet ka pësuar rënie krahasuar me vitet e tjera paraprake. Gjithashtu, në këtë konferencë ka folur edhe zëvendësministri i Infrastrukturës, Fehmi Mujota. Sipas Mujotës, as rregullimi i rrugëve dhe shenjëzimi i rrugëve nuk po arrin t’i parandalojnë aksidentet.

klankosova.tv