Syla tregon për përjetimet e ndeshjes së famshme Serbi-Shqipëri me dronin “Autochthonous”

Mbrëmjen e sotme, në stadiumin e Leskovcit, do të zhvillohet ndeshja mes Serbisë dhe Shqipërisë, e vlefshme për kualifikimet për Botëror 2026. Në Klan Kosova, në kuadër të Speciales së Maratonës Zgjedhore, do të transmetohet kjo ndeshje. Ndërkaq, në studio të Klan Kosovës, gazetari Valon Syla ka treguar për ndeshjen e famshme të vitit 2014 mes dy kombëtareve, ndeshje të cilën e fitoi Shqipëria me rezultat zyrtar për shkak të dhunës së shfrenuar që përjetuan lojtarët në fushë nga tifozëria e egër serbe. “Ndeshjen e parë, atë të famshmen me ‘Autochthonous’, me dronin mbi stadium, kam qenë korrespodent atëherë. Isha në stadium brenda, aty ku rrinë gazetarët, dhe kam qëndruar aty deri në minutën 22 kur veç ka filluar... ka qenë një pengesë në lojë, dhe aty ndërpritet loja për pak, dhe referi e merr vendimin që loja të vazhdojë”. “I gjithë stadiumi ishte me serbë, përveç 100 vizitorëve nga Shqipëria në zonën VIP. Dhe tifozët që njihen si brutal, të Zvezdës dhe Partizanit, kur nuk kishin kujt t’i mëshonin, i mëshonin njëri-tjetrit. Pastaj e dimë historinë me dron”, tha Syla. /Klankosova.tv https://youtu.be/Sz88NVyajjo