Superliga e Kosovës e mbyll sezonin e rregullt në basketboll 

Fundjava solli përmbylljen emocionuese të sezonit të rregullt në Superligën e Basketbollit të Kosovës. Nënkampioni Golden Eagle Ylli shënoi fitoren e gjashtë radhazi në minutat e fundit ndaj Proton Cable Prizrenit me rezultat të ngushtë 102-97, ndërsa Trepça e konfirmoi formën e mirë duke e mbyllur edicionin me triumf 92-80 ndaj Borës. Një prej përballjeve më të tensionuara u zhvillua në Prizren, ku Bashkimi fitoi me vetëm tri pikë diferencë ndaj Pejës, 75-72. Ndërkohë, Sigal Prishtina nuk la vend për surpriza duke e dominuar Vëllaznimin me rezultat bindës 94-73, njofton Klankosova.tv. Pas përfundimit të xhiros së fundit, Bashkimi kryeson tabelën me 48 pikë, ndjekur nga Trepça me 47 pikë. Sigal Prishtina mban vendin e tretë me 45 pikë, ndërsa Ylli pozicionohet i katërti me 43, njofton Klankosova.tv. Peja dhe Vëllaznimi zënë vendet pesë dhe gjashtë, me nga 42 dhe 41 pikë, ndërsa Bora dhe Proton Cable Prizreni përfundojnë sezonin në dy pozitat e fundit. Në fazën e ardhshme, Bashkimi dhe Trepça kalojnë automatikisht në gjysmëfinale falë pozitave të tyre në renditje. Ndërkohë, çerekfinalet do të sjellin përballjet Prishtina - Vëllaznimi dhe Ylli - Peja. Fituesit e këtyre dy ndeshjeve do t’i bashkohen dy skuadrave më të mira në luftën për titullin kampion./Klankosova.tv.