Lajmet e fundit
Nëse ankoheni se jeni mjaft të ngarkuar, atëherë gaboheni!
Elon Musk është miliarderi i cili ka orar të paarritshëm pasi me planet e tij ai ka krijuar Hyperloop, drejtoi kompaninë elektrike të makinave Tesla, kompaninë hapësinore Space X si dhe sipërmarrjen e tuneleve The Boring Company, transmeton Klan Kosova.
Por përmes një emaili të dërguar për 37 mijë punonjësit e tij nga Tesla, Musk ka zbuluar gjashtë nga këshillat e tij të produktivitetit.
Për të pasur suksese në punë ai ka përfshirë dhe disa rekomandime të pazakonta:
Në email, Musk shkruan:
-Takimet e tepërta janë dëmtimi i kompanive të mëdha
-Ju lutem shpëtoni nga të gjitha takimet e mëdha, vetëm nëse jeni të sigurtë që japin vlerë për të gjithë audiencën. Për secilën çështje zhvillojini takimet e shkurtra
-Hiqni dorë nga takimet e shpeshta, nëse nuk keni të bëni me një çështje jashtëzakonisht urgjente
Mërzitja e tij ndaj takimeve vjen nga besimi se ato nuk janë gjithmonë produktive në një mjedis pune.
Musk beson se kur një individ nuk po të jep asnjë vlerë shtesë, atëherë mund të largohesh nga ai: Mbylleni telefonatën sa më shpejt kur e kuptoni se nuk po iu vlen për asgjë, madje edhe kur po flisni me shefin.
Sipas sipërmarrësit rregullat dhe mirësjellja nuk duhet të shkojnë në të njëjtën rrugë.
Ai shpjegoi: Nuk është e pasjellshme të largohesh, e pasjellshme është kur dikush qëndron dhe humbet kohë
Ai gjithashtu u tha stafit që të shmangnin akronimet ose fjalët e pakuptimta në punë, duke shkruar: Në përgjithësi, çdo gjë që kërkon një shpjegim pengon komunikimin.
