Suhareka gati të kthehet në Ligën e Parë, Ferizaj ndez turbinat për Evropë.

Nga Liga e Parë me shumë bujë u inkuadruan në kampionatin elitar të futbollit të Kosovës. Madje në gjashtë xhirot e para, Suhareka krijoi përshtypje se mund të konkurojë për kreun e tabelës, duke marrë katër fitore, një barazim dhe vetëm një humbje. Megjithatë fundi i edicionit 2024/25, këtë skuadër e pozicionon të parafundit me vetëm 33 pikë, shtatë më pak se vendi që dërgon në barazh, andaj gjasat për qëndrim në mesin e më të mirëve edhe sezonin tjetër, janë më shumë se të zbehta, njofton Klankosova.tv. Suharekasit e "verdhë" humbën sërish në Superligë, kësaj radhe para tifozëve të tyre nga Ferizaj. 0-0 përfunduan 45 minutat e para, kurse në pjesën e dytë mysafirët siguruan pikët e radhës maksimale, me golat e Valmir Nafiut e Marko Musulin. Barazimi i përkohshëm nga ekipi vendas u bë përmes realizimit të Fitim Susurit, por që në fund shërbeu vetëm për statistikë. Ferizajasit po kalojnë një pranverë fantastike futbollistike, duke e rikonstruktuar objektivin e tyre, nga lufta për ta siguruar mbijetesën, tek betejat për pjesmarrje në kualifikimet evropiane. "Ujqit" e kanë barazuar Malishevën e vendit të tretë dhe tani shpresa për Evropë është më e madhe se kurrë, raporton Klankosova.tv Katër xhiro para fundit të kampionatit, këto dy skuadra kanë nga 48 pikë, ndjekur nga Gjilani me 45 sosh. Kujtojmë që sot Drita edhe matematikisht është shpallur kampione e Kosovës, pas fitores 1-0 ndaj Llapit. [caption id="attachment_2566140" align="alignnone" width="1080"] Renditja tabelare në Albi Mall Superligë, pas 32 xhiro të zhvilluara[/caption]