Subvencionimi me pajisje efiçiente uli konsumin, sipas Rizvanollit

Ministrja e Ekonomisë, Artane Rizvanolli ka thënë se me skemën për përfitim nga pajisjet ngrohëse për efiçiencë, konsumi i dimrit 2021/22 është ulur në dimrin e vitit 2023/24. Po ashtu, para mediave, ministrja shtoi se pas skemës së këtyre subvencionimeve, ka qenë kushti që nuk mund të përfitoni nga pajisjet ngrohëse efiçiente që ngrohin me energji elektrike, përveç nëse jeni konsumatorë i cili është duke u ngrohur me energji elektrike me pajisje jo efiçiente, njofton Klankosova.tv. "Kur janë dizajnuar skemat e subvencionimit është menduar çdo detaj, prandaj dhe ka qenë kushti që nuk mund të përfitoni nga pajisjet ngrohëse efiçiente që ngrohin me energji elektrike, përveç nëse jeni konsumatorë i cili është duke u ngrohur me energji elektrike me pajisje jo efiçiente", tha Rizvanolli. "Nga të dhënat reale që kemi nga konsumi i konsumatorëve që kanë përfituar, shihet se në dimrin 2022/2023, në krahasim me dimrin paraprak 2021/2022, përfituesit kanë konsumuar 19 për qind më pak mesatarisht, përfituesit e klimave specifikisht 24 për qind më pak mesatarisht se në vitin paraprak. Nëse i shohim të dhënat për të dy vitet, 27 milionë kilovatë/orë kanë konsumuar më pak këta konsumatorë sesa në vitin paraprak".