Stuhia godet rëndë Suharekën, Muharremaj: Dëmet janë shumë të mëdha (VIDEO)

Një nga zonat më të prekur nga stuhia që goditi Kosovën të marten ishte Komuna e Suharekës.

Lidhur me dëmet e shkaktuara kryetari Bali Muharremaj, tha se janë shumë të mëdha. Muharremaj tha në emisionin "Fol me Arin", në Klan Kosova se fatmirësisht nuk ka dëme në njerëz.

"Ne vazhdimisht jemi në kontakt me Emergjencat, zjarrfikësit, Policinë, Eko Therandën, e cila po pastron territorin e komunës. Jemi në gjendje gatishmërie, po presim", u shpreh Muharremaj në Klan Kosova.

Ai tha se aktualisht po bëhen vlerësimet e dëmeve.