Studentët e UP-së do të marrin pjesën e mbetur të bursave

Deri në fund të kësaj jave 225 studentë të Universitetit të Prishtinës “Hasan Prishtina”, do të marrin nga 200 euro.

Këto mjete studentët shembullor do t’i marrin si pjesë e bursës që kanë përfituar për vitin akademik 2015/2016.

Shuma totale e bursës ka qenë 600 euro, ndërsa kjo shumë është ndarë në dy pjesë.

Në fillim bursistëve i janë shpërndarë nga 400 euro, ndërsa gjatë kësaj jave pritet që të finalizohet e gjithë ndarja e bursës, pra ata do të marrin edhe nga 200 euro.

Për të shpërndarë nga 200 euro 225 studentëve UP-ja do të shpenzohen 45 mijë euro.

Ndërsa këtë vit, bursë kanë përfituar 1565 studentë, vlera e të cilëve kap shumën e 939 mijë eurove.