Stojanoviq publikon dokumentin: Sanduloviq u rrah nga BIA sepse vendosi lule te varret e Jasharëve

Avokati serb, Çedomir Stojanoviq, ka publikuar pamje të politikanit serb Nikola Sanduloviq i cili u rrah brutalisht në ndërtesën e BIA-s serbe nga data 3 deri më 4 janar, 2024. Stojanoviq ka thënë se Sanduloviqi është rrahur për shkak se postoi një video në platformën X ku shihej duke vënë lule te varrezat e familjes Jashari në Prekaz dhe për faktin se kishte kërkuar falje për krimet serbe në Kosovë, raporton Klankosova.tv. Avokati tha se politikani i rrahur në video shihet teksa largohet nga Qendra Emergjente e spitalit në Beograd e po dërgohet në Burgun Qendror, me urdhër të prokurorit publik të qytetit të Nishit. Ai thotë se jeta e Sanduloviqit “është në rrezik”. “Ata po e marrin Nikolan sepse vendosi lule në varret e shqiptarëve. Është kjo një akuzë zyrtare dhe formale kundër tij. Më lejoni të përsëris: akuza zyrtare dhe formale është se ai ‘përhapi urrejtje ndaj serbëve duke vendosur lule në varrezat e shqiptarëve dhe kërkoi falje nga shqiptarët për krimet e kryera’”, deklaroi Stojanoviq. Ai postoi edhe dokumentin që dëshmon akuzën ndaj Sanduloviqit. “Këtu mund të shihni vendimin/urdhrin e Prokurorit të Lartë Publik nga Nishi për të arrestuar Nikola Sanduloviqin për: ‘Postimin e tij në rrjetin social X ku vendosi lule në varret e shqiptarëve në Kosovë’”, shkroi në një postim tjetër avokati Stojanoviq.

? BREAKING 4 / BELARUS 2 (Continued) EVIDENCE: Here you can see the decision/order of the Senior Public Prosecutor from Nis to arrest N. Sandulović for: - "His post on the social network X that he laid flowers on the graves of Albanians in Kosovo". Putin arrests and beats… https://t.co/TG2ZznSe6r pic.twitter.com/N3BFeHvjNY

— Advokat Čedomir Stojković ☘️????? (@FIGHT_4_RIGHT_S) January 5, 2024

Më tej, bëri krahasim mes Putinit dhe Vuçiqit, të cilët tha se arrestojnë dhe rrahin shtetasit e tyre nëse vendosi lule te varret ukrainase, përkatësisht shqiptare. Avokati thotë se politikani përfundoi në spital në gjendje të rëndë shëndetësore sepse pjesëtarë të shërbimit sekret serb e rrahën atë për dy ditë në ndërtesën e BIA-s për të njëjtën arsye: sepse vendosi lule në varrezat e shqiptarëve në Kosovë. Stojanoviq e krahason gjendjen në Serbi me atë të periudhës së qeverisë së Slobodan Milosheviqit, “nën të cilin u kryen krimet në Kosovë”. Ai po ashtu kritikon Perëndimin për politikë të dështuar ndaj Serbisë, si dhe ua përkujton të njëjtëve deklarimet e fundit të MPB-së serbe për rikthimin e shërbimit të detyrueshëm ushtarak. “Për të gjithë injorantët e Perëndimit, përkthimi i ‘shërbimit të detyrueshëm ushtarak’ nga serbisht në anglisht i bie: mobilizim”, përfundoi avokati serb, Stojanoviq. /Klankosov.tv

? BREAKING 4 / BELARUS 2: This is a video of Nikola Sandulović being taken from the Emergency Center of the hospital in Belgrade to the Central Prison, by order of the public prosecutor from Nis, at the moment when Nikola's life is in danger

They are taking him away because… https://t.co/H6Ri5avZYH pic.twitter.com/t9BcMNVp4s — Advokat Čedomir Stojković ☘️????? (@FIGHT_4_RIGHT_S) January 5, 2024