Kryeministri britanik, Keir Starmer, ka thënë se Vladimir Putin do të prishë çdo marrëveshje paqeje me Ukrainën nëse ajo nuk mbrohet nga një koalicion ndërkombëtar i forcave.Starmer bëri këto komente gjatë vizitës në një bazë ushtarake në Mbretërinë e Bashkuar, ku takoi oficerë ushtarakë nga mbi 30 shtete. Ata diskutuan një plan për të mbështetur Ukrainën në mbrojtjen nga sulmet tokësore, ajrore dhe detare, në rast të një armëpushimi.Ndërkohë, ish-presidenti amerikan Donald Trump ka bërë thirrje për ndalimin e menjëhershëm të luftës mes Rusisë dhe Ukrainës, por ka pasur shqetësime lidhur me mundësinë e një paqeje të qëndrueshme.Kjo pasoi një sulm të fundit rus me dron në qytetin e Odesës, në jug të Ukrainës, që u përshkrua si një "goditje masive".Raportohet se negociatorët amerikanë do të takohen të hënën në Arabinë Saudite me zyrtarë të Ukrainës dhe Rusisë për të diskutuar mundësinë e një armëpushimi.Trump gjithashtu ka thënë se është shumë afër nënshkrimit të një marrëveshjeje ekonomike me Ukrainën, duke e shikuar atë si një hap të rëndësishëm për forcimin e marrëdhënieve mes SHBA-së dhe Ukrainës, shkruan Sky news, transmeton Klankosova.tv.Starmer përshëndeti oficerët ushtarakë në Shtabin e Përhershëm të Mbretërisë së Bashkuar në Londër, ku ata po shqyrtonin një hartë të Ukrainës. Ai u tha atyre se "tani është koha për të vepruar" dhe shtoi se është e rëndësishme të bëhen përgatitjet për një marrëveshje paqeje.Raportet sugjerojnë se një forcë sigurie ndërkombëtare mund të ndihmojë në mbrojtjen e qyteteve dhe infrastrukturës kritike të Ukrainës, duke përfshirë trupa të dislokuara dhe aeroplanë luftarakë që do të mbrojnë qiejt dhe ujërat e Ukrainës.Starmer tha se çdo marrëveshje paqeje do të mbetet e qëndrueshme vetëm nëse është mbrojtur nga një koalicion ndërkombëtar.
●●●
Shpërndaje këtë artikull
SZ
SHKRIMI NGA
Sh Z
Editorial nga Klan Kosova — ndjek lajme dhe zhvillimet e tjera kryesore të vendit.
