Standardi i kroatëve ende larg mesatares së BE-së

Standardi i qytetarëve të Kroacisë është përmirësuar dukshëm gjatë vitit 2022. Por megjithatë ky standard vazhdon të jetë një çerek më poshtë sesa mesatarja në Bashkimin Evropian, thonë të dhënat e Eurostat, përcjell KlanKosova.tv. Eurostat ka bërë matjen e konsumit real individual për kokë banori, që tregon se sa të mira dhe shërbime ka konsumuar një individ. Gjatë vitit të kaluar ka qenë Luksemburgu që ka pasur nivelin më të lartë, më 36 përqind sesa mesatarja evropiane. Kriza ekonomike ka bërë që ata të bien nga 46 përqind sa ka qenë vlera nga vitit 2021, raporton Hina. Më pastaj sa i përket standardit jetësor, vijnë shtete si Gjermania, Austria, pasuar nga Italia, Qipro dhe Lituania. Bullgaria ka standardin më të ulët në union. Afër Kroacisë është Sllovakia me 27 përqind poshtë mesatares. Në këtë grup përfshihen edhe Greqia, Hungaria dhe Estonia më 30 përqind nën mesatare. Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.