Spiropali në Bruksel: Asnjë minutë për të humbur, sot e çdo ditë një hap më pranë Evropës

Ministrja për Evropën dhe Punët e Jashtme e Shqipërisë, Elisa Spiropali, ka thënë se ka shkuar në Bruksel të Belgjikës për t’u takuar me përfaqësuesit e lartë të Komisionit Europian. Në një postim në Facebook, ajo ka bërë të ditur se nuk do të ndalet së punuari për përmbushjen e objektivave të Tiranës zyrtare për anëtarësim në Bashkimin Evropian, transmeton Klankosova.tv, “Asnjë minutë për të humbur, duke ruajtur ritmin e përshpejtuar të negociatave, për mbështetjen e mëtejshme të transformimit të Shqipërisë, sot e çdo ditë një hap më pranë Evropës”, ka thënë Spiropali. Sipas Top Channel, Spiropali do të pritet nga Zëvendës Presidentja e Komisionit Evropian dhe Përfaqësuesja e Lartë e BE për Punët e Jashtme dhe Sigurinë, Kaja Kallas. Po ashtu, Spiropali do të pritet nga Komisionerja për Zgjerim Marta Kos, si dhe drejtori i Përgjithshëm për Zgjerimin dhe Fqinjësinë Lindore në Komisionin Evropian, Gert Jan Koopman. /Klankosova.tv